Saturday, April 5, 2014
ސުނަނު
އައް ދާރިމީގައި އަބޫ ހުރައިރާގެ އަރިހުން ރިވާވެގެން އައިސްފައިވެއެވެ:
އަބޫ
ބަކުރުގެފާނާއި ޢަލީގެފާނުން އެއްފަހަރަކު ރަސޫލުﷲ ގެފާނުންގެ ގެކޮޅުގެ ދޮރުކޮޅާއި
ހަމަޔަށް ވަޑައިގަތެވެ. ދެން އަބޫބަކުރުގެފާނުން ޢަލީގެފާނުންނަށް ވިދާޅުވިއެވެ:
"އޭ
ޢަލީގެފާނެވެ! ކަލޭގެފާނުން ކުރިން ވަޑައިގަންނަވާށެވެ"
ޢަލީގެފާނު
ވިދާޅުވިއެވެ: "ނޫނެކެވެ! ކަލޭގެފާނުން ކުރިން ވަޑައިގަންނަވާށެވެ."
އަދި ވިދާޅުވިއެވެ: "ތިމަންކަލޭގެފާނުންނަށް އެބޭކަލަކާއިމެދު ﷲގެ ރަސޫލާ 'މީސްތަކުންކުރެ އެއަށްވުރެ ރަނގަޅު މީހެއްގެ މައްޗަށް އިރުއަރާ އޮއްސޭނެ ދެވަނަ އެހެންމީހަކު އަބޫބަކުރުގެފާނުން
ފިޔަވައި ނުވެއެވެ' މިހެން ޙަދީޘްކުރައްވާފައިވާ ބެއިކަލެއްގެ މައްޗަށް ތިމަންކަލޭގެފާނުންނަކަށް
އިސްނުވެވޭނެއެވެ.
އަބޫ
ބަކުރުގެފާނު ވިދާޅުވިއެވެ: "ތިމަންކަލޭގެފާނުން ނަކަށްވެސް
އެބެއިކަލަކާއިމެދު އިތުރު އެކަލޭގެފާނުން 'މީސްތަކުންކުރެ އެންމެ ރަގަޅު އަންހެނާ
(ފާޠިމަތުގެފާނުން) ދެއްވުނީ އެންމެ ރަގަޅު ފިރިހެނާއަށެވެ' މިހެން
ޙަދީޘްކުރައްވާފައިވާ ބެއިކަލެއްގެ އިސްނުވެވޭނެއެވެ."
ދެން
ޢަލީގެފާނުން ވިދާޅުވިއެވެ: "އެބެއިކަލަކާއިމެދު ﷲގެ ރަސޫލާ
ޙަދީޘްކުރައްވާފައިވަނީ: 'ޙިސާބުބެއްލެވޭ ދުވަހު ﷲގެ ވަޙީގެ ބަސްފުޅު އެންމެންގެ
މަތިން ގޮވާލެވިގެންދާނެއެވެ: އޭ އަބޫ ބަކުރެވެ! ކަލޭގެފާނުން, ކަލޭގެފާނުންދެކި
ލޯބިވާ މީސްތަކުންނައިގެން ސުވަރުގެ ވަދެވަޑައިގަންނަވާށެވެ.' މިހެން ޙަދީޘްކުރައްވާފައިވާ
ބެއިކަލެއްގެ ކުރިއަކުން ﷲ ގެ ރަސޫލާގެ ގެކޮޅަށް ވަންނާކަށެއް ނުކެރޭނެއެވެ."
އަބޫބަކުރުގެފާނުން
ވިދާޅުވިއެވެ: "ކަލޭގެފާނުންނާއިމެދު ޙިސާބުބެއްލެވޭ ދުވަހު
ވަޙީއިއްވެވޭނެއެވެ: 'އެއީ ރަނގަޅު މީހެކެވެ. ރަނގަޅު އަޚެކެވެ. އަދި ރަނގަޅު
ބަފައިކަލެކެވެ.' މިފަދައިން މިކަން އޮއްވައި ތިމަންކަލޭގެފާނުންނަށް
ކަލޭގެފާނުންގެ މައްޗަށް އިސްވެގަތުމަކަށް ކެރިވަޑައެއް ނުގަންނަވައެވެ."
ޢަލީގެފާނުން
ވިދާޅުވިއެވެ: "ތިމަންކަލޭގެފާނުން ކަލޭގެފާނުންގެ ކުރިއަކުން ވަޑައެއް
ނުގަންނަވާނަމެވެ. އެހެނީ ކީރިތި މާތް ރަސޫލާ ކަލޭގެފާނުންނާއިމެދު
ޙަދީޘްކުރެއްވިއެވެ: 'އަބޫބަކުރުގެފާނުންގެ އީމާންކަން ތިލަފަތުގެ އެއްފަރާތައް
ލެވިފައި، އަނެއްފަރާތަށް އުއްމަތުގެ އީމާންކަން ލެވުނަސް އެކަލޭގެފާނުންގެ
އީމާންކަމުގެ ތިލަފަތް ބަރުވާނެއެވެ.'"
އަބޫބަކުރުގެފާނުން
ވިދާޅުވިއެވެ: "އެބެއިކަލަކާއިމެދު ކީރިތި މާތްރަސޫލާ ޙަދީޘްކުރައްވަނީ:
ޙިސާބު ބެއްލެވޭދުވަހު ޢަލީގެފާނުން އެކަލޭގެފާނުންގެ އަނބިކަނބަލުން
ފާޠިމަތުގެފާނުންނާއި އަދި ދެދަރިކަލުން ޖަމަލެއްގެ މަތީ ވަޑައިގަންނަވާތަން
މީސްތަކުންނަށް ފެނި ރަސޫލުﷲ ގެފާނުންކުރެ އައްސަވާނެތެވެ: މިއީ ކޮންބައެއްތޯއެވެ؟
އަދި ޖަވާބު ދެވޭނެތެވެ: މިއީ އެބަޔަކުދެކި ﷲ ތަޢާލާ ލޯބިވެވޮޑިގެންވާ ބައެކެވެ.'
މިހެން ޙަދީޘްކުރައްވާފައިވާ ބެއިކަލެއްގެ މައްޗަށް ތިމަންކަލޭގެފާނުން އިސްވެ
ނުގަންނާނަމެވެ."
ދެން
ޢަލީގެފާނުން ވިދާޅުވިއެވެ: "ރަސޫލުﷲ ގެފާނުން ޙަދީޘްކުރެއްވިއެވެ: 'ﷲ
ވަޙީކުރެއްވިއެވެ: ސިއްދީޤު ގެންނެވީ ރަސޫލުﷲ ގެފާނުންނެވެ. އަދި ސިއްދީޤަކީ
އެމީހެއްގެ ފަހަތުން ހިނގެވޭ މީހާއެވެ."
މިހިނދު
ޖިބުރީލް ޢަލައިހިއްސަލާމްއަށް ރަސޫލުﷲ ގެފާނުންގެ އަރިހަށް ވަޑައިގަތުމަށް
އެންގެވުނެވެ. އަދި އެކަލޭގެފާނުންނަށް މިހެން ދެންނެވުމަށް އެންގެވުނެވެ: "އަރަހުށި
ހުސް ޠާހިރުވަންތަ ﷲ ކަލޭގެފާނުންނަށް ސަލާމް ވަޙީކުރެއްވިއެވެ. ފަހެ
އަބޫބަކުރުގެފާނާއި ޢަލީގެފާނާއިމެދުގައި އެހިނގެވޭ މުޢާމަލާތު (އުޑުތަކާއި ބިމާއި
އެހެނިހެންތަންތާނގައިވާ) އެންމެހާ މަލާއިކަތްބެއިކަލުން އަޑުއައްސަވަތެވެ. އެދެބެއިކަލުންގެ
ތެރެއަށް ތިންވަނަ ބެއިކަލެއްގެ ގޮތުގައި މަސްއަލާކުރުމަށް ކަލޭގެފާނުން
ވަޑައިގަންނަވާށެވެ. ﷲ ސުބުޙާނަހޫ ވަތަޢާލާ އެކަލާންގެ ޙާއްޞަ ރަޙްމަތްފުޅުން
އެދެބެއިކަލުންގެ މެދުގައި އަދަބުވެރިކަން ބިނާކުރެއްވިއެވެ. (މާނައީ
އެބެއިކަލުންނީ އަދަބުވެރި ދެބެއިކަލުންނެވެ.)"
ކީރިތި
މާތް ރަސޫލާ ދެން ބޭރަށް ނިކުމެވަޑައިގަތެވެ. އަދި އެދެބެއިކަލުން އެޙާލުގައި
ވަނިކޮށް ވަޑައިގެން ދެބެއިކަލުންނަށް ބޮސްދެއްވައި ޙަދީޘްކުރެއްވިއެވެ:
"ތިމަން ކަލޭގެފާނުންގެ ފުރާނަ އެފަރާތެއްގެ އަތްމަތީގައިވާ ފަރާތް ގަންދީ
ހުވާކޮށް ވިދާޅުވަމެވެ: "ކަނޑުތަކަކީ ދެލިކަމުގައި ވެފައި، އެންމެހާ ގަސްގަހާގެއްސަކީ
ގަލަންކަމުގައި ވެފައި، އެންމެހާ ދިރޭ ތަކެއްޗެއް ތިދެބެއިކަލުންގެ މާތްކަން
ލިޔަން އުޅުނުކަމުގައިވިޔަސް ނުލިޔެވޭހުއްޓެވެ."
އަރަހުށި
ﷲ ގެ ހުސްޠާހިރުވަންތަކަމާއެވެ! އަދަބުވެރިކަމަކީ މިނޫންދެން ކޮންއެއްޗެއްތޯއެވެ؟ އަޅަމެންނީވެސް މިފަދަ އަދަބުވެރި ބަޔަކު ކަމުގައި ލައްވާށިއެވެ. އާމީން
Subscribe to:
Post Comments (Atom)
0 comments:
Post a Comment