Tuesday, January 7, 2014
ދެން މޫސާގެފާނުން އެކަލޭގެފާނުންގެ
ވެރިރަސްކަލާންގެ ޙަޟްރަތުގައި، ބައިތުލް މަޤްދިސްއާއި، ގާކޮޅެއް އެއްލީމައި ޖެހޭ
ދުރުމިނާއި ހިސާބުގައި މަރުހިއްޕެވުމަށް އެދިވަޑައިގެންނެވިއެވެ. އަބޫ ހުރައިރާ
ރަޟިޔަﷲ ޢަންހު ވިދާޅުވިއެވެ: ރަސޫލުﷲ ޞައްލަﷲ ޢަލައިހި ވަސައްލަމަ
ޙަދީޘްކުރެއްވިއެވެ:
"ތިމަންކަލޭގެފާނުން
އެހިސާބުގައި ވީނަމަ، އެކަލޭގެފާނުންގެ (މޫސާގެފާނުންގެ) މަހާނަ މަގުގެ
އެއްފަރާތުގައިވާ ރަތް ވެލިފުނީގެ ދަށުގައިވާތަން (ތިޔަބެއިކަލުންނަށް)
ދެއްކެވީމުހެވެ." = ބުޚާރީ 1339 އަދި މުސްލިމް 2372 =
މޫސާގެފާނުން އެކަލޭގެފާނުންގެ އަވަހާރަވުމުގެ
ކުރީގައި ބަނީ އިސްރާއީލުން އެމީހުންގެ ގައުމިއްޔަތާއި ވަޠަނިއްޔަތެއްނެތި އެނބުރޭ
އެނބުރުން ނިންމަވައި ބައިތުލް މަޤްދިސްއަށް ވައްދަވަން ބޭނުންފުޅުވިއެވެ.
ނަމަވެސް ﷲ އިރާދަކުރެއްވީ އެމީހުން އެޙާލުގައިވަނިކޮށް އެކަލޭގެފާނުންގެ
ފުރާނަފުޅު ހިއްޕެވުމަށެވެ.
ޢިލްމުވެރިންގެ ތެރެއިން ގިނަބެއިކަލުން
ވިދާޅުވާގޮތުގައި މޫސާގެފާނުން އަވަހާރަވެވަޑައިގެންއިރު ބައިތުސް މަޤްދިސް އަކަށް
ބަނީއިސްރާއީލުން ނުވަދެއެވެ. އެހެންނަމަ އެކަލޭގެފާނުން މައިތުލް މަޤްދިސް އާއި
ގާތުގައި އަވަހާރަވެވަޑައިގަތުމަކަށް އެދިވަޑައެއް ނުގެންނެވީހެވެ. އެއިރުން
އެކަލޭގެފާނުން ވީހީ އެރަށުގައެވެ. އެކަލޭގެފާނުންގެ އެދިވަޑައިގަތުމީ
މީސްތަކުންނަށް އެތަނަށް ހިޖުރަކުރުމަށް ހިތްވަރުދެއްވުމުގެ ގޮތުންނެވެ.
އިމާމް އަޙްމަދުގެފާނުން އަނަސް ބިން މާލިކް
ގެފާނުންގެ އަރިހުން ރިވާކުރެއްވިއެވެ. ރަސޫލުﷲ ގެފާނުން ޙަދީޘް ކުރެއްވިއެވެ:
"ތިމަންކަލޭގެފާނުން
އިސްރާކުރެވުނު ރެއިގައި، މޫސާގެފާނުން ގާތުން ވަޑައިގަތީމެވެ. އެކަލޭގެފާނުން
ހުންނެވީ ވެލިފުނީގެ ގާތުގައި އެކަލޭގެފާނުންގެ މަހާނަދޮށުގައި ނަމާދުކުރައްވާށެވެ."
=އަޙްމަދު 248:3 ، އަދި މުސްލިމް: 2375=
ރެފަރެންސް: އަލް ޙާފިޘް އިބްން
ކަޘީރުގެ ޤަޞަޞުލް އަންބިޔާ
Subscribe to:
Post Comments (Atom)
0 comments:
Post a Comment