Sunday, October 13, 2013
އުޘްމާން ރަޟިޔަﷲ ޢަންހް ޝަހީދުވުމުގެ ކުރިން
އަބޫ ޘައުރު އަލް ފަހްމީ ރަޟިޔަﷲ ޢަންހްގެ އަރިހުގައި ދެންނެވިއެވެ. ﷲގެ
ޙަޟްރަތުން ތިމަންކަލޭގެފާނުން ވަރަށް އުއްމީދުކުރައްވަމެވެ. ތިމަންކަލޭގެފާނުން
ދިހަ ކަމެއް ﷲ ތަޢާލާއާއި ބައްދަލުވުމުގެކުރިން ފަރުވާތެރިކަމާއެކު އިތުބާރެއްގެގޮތުގައި
ރައްކާކުރީމެވެ. އެއީ:
1. ތިމަންކަލޭގެފާނީ 4 ވަނައަށް އިސްލާމްވީމީހާއެވެ.
2. ކީރިތި މާތް ރަސޫލާ
ތިމަންކަލޭގެފާނުންނަށް އިނުމަށް ދަރިކަނބަލަކު ދެއްވިއެވެ.
3. އެކަމަނާ އަވަހާރަވުމުން ދެވަނަ
ދަރިކަނބަލުންވެސް ދެއްވިއެވެ.
4. ތިމަންކަލޭގެފާނުން ދުވަހަކުވެސް
ލަވައެއް ނުކިޔުއްވަމެވެ.
5. ތިމަންކަލޭގެފާނުން ދުވަހަކުވެސް
ނުބައިކަމެއްގެ މައްޗަށް ފިކުރުނުކުރައްވަމެވެ.
6. މިއިސްލާމްދީނުގެ މައްޗަށް ކީރިތި
ރަސޫލާ ސައްލަﷲ ޢަލައިހި ވަސައްލަމައަށް ތިމަންކަލޭގެފާނުންގެ ކަނާތްޕުޅުން ބައިޢަތު
ހިފީއްސުރެ ފަރުޖެއްގައި ކަނާއަތުން ދުވަހަކުވެސް ނުހިއްޕަވަމެވެ. ނުވެސް
ބީހެމެވެ.
7. އިސްލާމްވީއްސުރެ ކޮންމެ
ހުކުރުދުވަހެއްގައި ތިމަންކަލޭގެފާނުން އަޅަކު މިނިވަންކުރެއްވީމެވެ.
8. ޖާހިލިއްޔަ ޒަމާނުގައިވިޔަސް އަދި
އިސްލާމްވުމަށްފަހުގައިވެސް ދުވަހަކުވެސް ތިމަންކަލޭގެފާނުން ޒިނޭއެއް
ނުކުރައްވަމެވެ.
9. ޖާހިލިއްޔަ ޒަމާނުގައިވިޔަސް އަދި
އިސްލާމްވުމަށްފަހުގައިވެސް ދުވަހަކުވެސް ތިމަންކަލޭގެފާނުން ވައްކަމެއް
ނުކުރައްވަމެވެ.
10. ކީރިތި ރަސޫލާ ސައްލަﷲ ޢަލަހި
ވަސައްލަމަ ދުނިޔޭގައި ހުންނަވަނިކޮށް މުޅި ޤުރުއާން ހިތުން ދަސްކުރެއްވީމެވެ.
އަހުރެމެން ﷲ ތަޢާލާއާއި ބައްދަލުވާނޭކަން
އިނގޭއިރު ރައްކާކުރީ ކިތައްކަންތައްބާވައެވެ؟ ވިސްނާލުން ބުއްދިވެރިއެވެ. އެހެނީ
ރަސޫލުﷲ ގެފާނުން ޙަދީޘް ކުރެއްވިއެވެ: "އެންމެ ބުއްދިވެރިމީހާއަކީ
މަރުވުމުގެ ކުރިން މަރަށް ތައްޔާރުވެ ހުންނަ މީހާއެވެ."
ރެފަރެންސް: http://www.islamcan.com/islamic-stories/10-things-about-uthman-ra.shtml
ރެފަރެންސް: http://www.islamcan.com/islamic-stories/10-things-about-uthman-ra.shtml
Subscribe to:
Post Comments (Atom)
0 comments:
Post a Comment