Monday, October 28, 2013
ޝައިޚް އަލް އަލްބާނީގެ ދަރިވަރަކު ކިޔައިދިނެވެ:
"ސީރިޔާގައި އަހަރެމެންގެ ތެރޭގައިވާ ޞާލިޙް
މީހަކަށް ޝައިޚް އިބްން ބާޒް އަވަހާރަވުމުގެ ކުޑަހިނދުކޮޅެއް ކުރިން ހުވަފެނެއް
ފެނުނެވެ.
އޭނާއަށް ފެނުނީ އުޑުން ދެތަރިއެއް ނައްޓާލައިގެން
ވަރަށް ބާރަށް އައިސް ބިންމައްޗަށް ޖެހޭ ތަނެވެ. އެއިގެ ތެރެއިން އެކަތި
ތަންކޮޅެއް ކުރިންއައިސް ވެއްޓުނެވެ. އެއިރު އަނެއް ތަރި ވެއްޓުމާއި ގާތްވަނީއެވެ.
ކުރިން އައިސް ބިމުގައި ޖެހުނު ތަރީގެ ވާހަކަ
އައްސަވާށެވެ. އެތަރި އައިސް ބިންމަތީގައި ބިރުވެރި އަޑުފައްގަޑަކާއެކު ޖެހުނެވެ.
އެކަމާއި މީހުން ކަންބޮޑުވެ އަހަންފެށިއެވެ: "ކިހިނެތް ވީހެއްޔެވެ؟"
ދެން މިމީހާއަށް ހޭލެވުމުން ހުވަފެން ތަޢުބީރަށް
ކުޅަދާނަ މީހަކު ކުރެން އެހުވަފެނުގެ ވާހަކައިން އެހުނެވެ.
ތަޢުބީރު ކުރާމީހާ ބުންޏެވެ: މިއީ މީސްތަކުން
ތެޅިގެންދާނޭ ކަމެއްގެ ވާހަކައެވެ. އެއިގެ ނިމުމަކީ ޤަބުރުކަމުގައި ވާނެއެވެ. އަދި
އެއާއި ވިދިގެން އެފަދަ އެހެން ކަމެއްވެސް ހިނގާނެއެވެ.
މިއަށްފަހު ކުޑަ ހިނދުކޮޅެއްގެ ތެރޭގައި ޝައިޚް
އިބްން ބާޒް އަވަހާރަވި ޚަބަރު ލިބިގެންދިޔައެވެ. އަދި އެއިގެ އިރުކޮޅެއްފަހުން
ޝައިޚް އަލް އަލްބާނީވެސް އަވަހާރަވި ހަބަރު ލިބުނެވެ. މިއީ ދެވަނައަށް ބިމުގައި
ޖެހޭން އައި ތަރިއެވެ.
ރެފަރެންސް: އަލް އިމާމް އިބްން ބާޒް – ދުރޫސް ވަ
މަވާޤިފް އަ ޢިބާރު – ސަފްޙާ: 98
ރެފަރެންސް: http://www.fatwa-online.com/jewelsofguidance/ibnbaaz/0010626.htm
Subscribe to:
Post Comments (Atom)
0 comments:
Post a Comment