Sunday, October 20, 2013
އަލް ބަހުލޫލްގެ ބައެއް ދަރިވަރުން ކިޔައިދިނެވެ:
ބަހުލޫލްގެ އަތްމައްޗަށް ސިޓީއެއް ލިބި އެސިޓީ އެކަލޭގެފާނުން ހުޅުއްވަވައި
ލެއްވިއިރު އޭގައި އޮތެވެ.
"ޚުރާސާންގެ ސަމަރުޤަންދުގެ އަންހެނެއްގެ
ފަރާތުން. އަހުރެންނަކީ ދުނިޔޭގައި މީގެ ކުރިން މީހަކު ނުކުރާހާ ފާފައަކާއި
ހަމަޔަށް ފާފަކުރަމުންދިޔަ މީހަކީމެވެ. އެކަމަކު ﷲ ގެ ހަޟްރަތައް އަހުރެން
މިހާރުވަނީ އެނބުރިގެންނެވެ. އެކަލާންގެ ކިބައިން ޢަފޫއާއި މަދަދައް އެދިގެންނެވެ.
އަދި އަހުރެން ދުނިޔޭގައި ތިބި އަޅުވެރިންނާއިމެދު މީސްމީހުންކުރެ ސުވާލުކުރުމުން
4 މީހެއްގެ ވާހަކަ އަޑުއެހީމެވެ. އެއިގެ ތެރެއިން އެކަކީ އެފްރިކާގެ އަލް
ބަހުލޫލެވެ. އޭ ބަހުލޫލެވެ! އަހުރެންނަށް ﷲގެ މަގުގައި ސާބިތުވެ ހުރުމަށް
މަދަދުދެއްވުމަށްއެދި އެކަލާންގެ ހަޟްރަތުގައި ދަންނަވައިދުނުމަށް ކަލޭގެފާނުންގެ
އަރިހުން އެދެމެވެ."
މިހާހިސާބަށް ކިޔުމުން އެސިޓީ އެކަލޭގެފާނުންގެ
އަތްޕުޅުން ދޫވެގެން ވެއްޓުނެވެ. އަދި އެކަލޭގެފާނުންވެސް މޫނުވަތައް ވެއްޓި
ކީރިތި ކުރައްވަން ފެއްޓެވިއެވެ. އެހެން ކީރިތި ކުރައްވާ ކުރައްވާ އެންމެ ފަހުން
އެއްކަލަ ސިޓީ އެއްކޮށް ތެމިގެންދިޔައެވެ. އެއިރު އެކަލޭގެފާނުން އަމިއްލަ
ނަފްސަށް މަލާމަތްކުރަމުން ބުނަމުންދިޔައެވެ. "އޭ ބަހުޅޫލާއެވެ! ޚުރާސާނުގެ
ސަމަރުޤަންދެވެ. (އެހެނީ އެމީހުންވެސް ކަލޭ ދަނޭހެއްޔެވެ؟) ﷲ ކަލޭގެ ކުއްފާފަތައް
ނުފޮރުއްވާނަމަ ކަލެއަށް ހަލާކު ހުއްޓެވެ" (މާނައީ އެއިރުން ކަލޭގެ ވާހަކަ
އެހާ ހިސާބަކަށް ނުދާނެ އެވެ. މިހުންނަނީ ﷲ ކަލޭގެމައްޗަށް ވެވޮޑިގަންނަވާ
ރަޙްމަތެވެ.)
ރެފަރެންސް:
އަލް ޤާޟީ ޢިޔާދު އެކަލޭގެފާނުންގެ
"ތަރުތީބުލް މަދާރިކް" ގައި އިމާމް އަލް ބަހުލޫލް އިބްން ރާޝިދުލް
ޤައިރަވާނީ އަލް މާލިކީ ގެ ބައޮގްރަފީގައި ލިޔުއްވާފައިވާ ވާހަކައެއް
·
މި ބަހުލޫލް އަކީ އިމާމް މާލިކްގެފާނުންގެ އަސްޙާބެކެވެ. އެކަލޭގެފާނުން
މަޝްހޫރުވެ ވަޑައިގެންފައިވަނީ އެކަލޭގެފާނުންގެ ޛާހިދު ކަމާއި ގިނަ ޢަދަދަކަށް
އަޅުކަން ކުރައްވާ ބެއިކަލެއްގެ ގޮތުގައެވެ.
Subscribe to:
Post Comments (Atom)
0 comments:
Post a Comment