Sunday, December 22, 2013
وَإِسْمَاعِيلَ وَالْيَسَعَ وَيُونُسَ وَلُوطًا ۚ وَكُلًّا فَضَّلْنَا
عَلَى الْعَالَمِينَ
މާނައީ: (އަދި
ތިމަންރަސްކަލާންގެ ހިދާޔަތުގެ އަލިމަގު) އިސްމާޢީލް ގެފާނަށާއި، އިލްޔަސަޢު
ގެފާނަށާއި، އަދި ޔޫސުފު ގެފާނަށާއި އަދި ލޫތުގެފާނުންނަށް ދެއްކެވީމެވެ. އަދި
އުއްމަތްތަކުގެ މައްޗަށް އެއެންމެހާ ބެއިކަލުން މަތިވެރިކުރެއްވެވީމެވެ."
(ސޫރަތުލް އަންޢާމް: 86)
وَاذْكُرْ إِسْمَاعِيلَ وَالْيَسَعَ
وَذَا الْكِفْلِ ۖ وَكُلٌّ مِنَ الْأَخْيَارِ
މާނައީ: އަދި
އިސްމާޢީލްގެފާނުންގެ ވާހަކައާއި އިލްޔަސަޢުގެފާނުންގެ ވާހަކައާއި ޛުލް ކިފްލްގެފާނުންގެ ވާހަކަ ހަނދުމަކޮށްދެއްވާށެވެ. އެއެންމެ ބެއިކަލުންނީ އެންމެ ހެޔޮ
ބެއިކަލުންނެވެ." (ސޫރަތުއް ޞާދު: 48)
އިބްން އިސްޙާޤް ވިދާޅުވިއެވެ. ޙަސަން ބަޞަރީގެ
އަރިހުން ޤަތާދާ ރަޙިމަހުﷲ ރިވާކުރެއްވިއެވެ: އިލްޔަސަޢު ވަޑައިގެންނެވީ
އިލްޔާސްގެ ފަހުންނެވެ. އެކަލޭގެފާނުންވެސް އެކަލޭގެފާނުންގެ ޤައުމުގެ
މީސްތަކުންނަށް ދީނަށް ގޮވައިލެއްވިއެވެ. އަދި އިލްޔާސް ގެފާނުންނަށް
ބާއްވައިލެއްވި ޝަރީޢަތާއި ޤާނޫނުތަކަށް ތަބާވުމަށް ގޮވައިލެއްވުމުގައި
އެކަލޭގެފާނުން އަވަހާރަވެއްޖައުމަށް ދާންދެން ދެމިހުންނެވިއެވެ.
ނަމަވެސް އެކަލޭގެފާނުން އަވަހާރަވުމުން
ނުބައިކަންތައްތައް ޢާންމުވެ ފެތުރެންފެށިއެވެ. އަދި މީސްތަކުން އެއްބަޔަކު
އަނެއްބަޔަކުގެ މައްޗަށް ގަދަވެގަތެވެ. އަދި އެމީހުންގެ މައްޗަށް ފޮނުއްވުނު
ރަސޫލުން ޤަތުލުކުރިއެވެ.
މަޝްހޫރު ތާރީޚް ޢިލްމުވެރިޔާ އިބްން އަސާކިރު
މިއިލްޔަސަޢުގެފާނުންގެ ބައިފައިކަލުން ސަލާމްލެއްވި އިބްރާހީމްގެފާނުންނާއި
ހަމަޔަށް ކިޔުއްްވަތެވެ. އަދި ބުނެވޭގޮތުގައި މި އިލްޔަސަޢުގެފާނުންނީ
އިލްޔާސްގެފާނުންގެ ދެބެންގެ ދެދަރި ބެއިކަލެކެވެ. އަދިވެސް ބުނެވޭގޮތުގައި
މިކަލޭގެފާނުންވެސް އިލްޔާސްގެފާނުންނާއިއެކު ހޮހޮޅައިގައި ބާލްބެކްގެ
ރަސްގެފާނުގެ ކިބައިން ސަލާމަތްވުމަށް ފިއްލެވިއެވެ. އަދި އެހޮހޮޅައިން ނިކުމެ
ވަޑައިގަތުމުން އިލްޔަސަޢުވެސް އިލްޔާސްގެފާނުންނާއިއެކު އެކަލޭގެފާނުންގެ
ޤައުމުގެ މީސްތަކުންގެ ގާތަށް ވަޑައިގަތެވެ. އަދި އިލްޔާސްގެފާނުން
އަވަހާރަވުމުން، އިލްޔަސަޢުގެފާނުން އެމައްސޫލިއްޔަތު އުފުއްލެވިއެވެ. އަދި ﷲ
އެކަލޭގެފާނުން (އިލްޔަސަޢު) އެކަލޭގެފާނުންގެ ޤައުމުގެ މީސްތަކުންގެ ގާތަށް ނަބީއަކުކަމުގައި
ފޮނުއްވިއެވެ.
ރެފަރެންސް: އަލް އިމާމް އިބްން
ކަޘީރުގެ ޤަޞަޞުލް އަންބިޔާ
Subscribe to:
Post Comments (Atom)
0 comments:
Post a Comment