Friday, December 27, 2013
ޝައިޚް ޢަބްދުއްރަޙްމާން އައް ސާޢިދީ
ވިދާޅުވިއެވެ. ރަސޫލުﷲ ގެފާނުން އަހުރެމެންނަށް ތުނބުޅި ދިގުކުރުމަށާއި މަތިމަސް
ކުރުކުރުމަށް އަމުރުކުރެއްވިއެވެ. އަދި އެކަލޭގެފާނުން ވިދާޅުވިއެވެ. މޫނުމަތީގެ
އިސްތަށީ (ތުނބުޅި) ބޭލުމަކީ މަޖޫސީންނާއި ކާފަރުންގެ ގޮތްތަކެވެ. އަދި
އެކަލޭގެފާނުންގެ އުއްމަތުގެ މީސްތަކުންނަށް އެމީހުންގެ އުޅުމާއި ދުރުވުމަށް
އިންޒާރުކުރެއްވިއެވެ. އެހެންކަމުން ﷲ އާއި އެކަލާންގެ ރަސޫލާ އަށް އީމާންވާ
މީހަކު އެކަލޭގެފާނުންނާއި، އަޞްޙާބުބެއިކަލުންނާއި، ތާބިޢީންގެ ސުންނަތަށް
ތަބާވުމުގައި ދަހިވެތިވުމީ އަޖާއިބު ކަމެކެވެ. ﷲ ތަޢާލާ ފިރިހެނުން ރިވެތިކުރެއްވީ
ތުބުޅީގައެވެ. އަދި އެއިގައި އެމީހުންގެ އަޚްލާޤުގެ ރިވެތިކަން ލެއްވިއެވެ.
ތުނބުޅި ބާލާ މީހާއަށް ހަލާކުހުއްޓެވެ. އެހެނީ އޭނާ ފާޅުގައި ކަލާންގެއާއި
ދެކޮޅުވެރިވަނީއެވެ.
ތުނބުޅި ބާލާމީހުންނަށް ހީވާގޮތުގައި އެމީހުން
ތުބުޅި ބާލައިގެން މާރިވެތި ސިފައެއް ލިބިގަންނަނީހެއްޔެވެ؟ ހަމަޔަޤީނުންވެސް
އެހެނެތްނޫނެވެ. އެއިގެ ބަދަލުގައި ފިރިހެނެއްގެ ފިރިހެންވަންތަކަމަށާއި
މާތްކަމަށް ހުތުރުއަރުވަނީއެވެ. އެހެންމީހުންގެ ގޮތްތައް ކޮޕީކުރަންފެށުމުން
ފާފަތަކަށް އަރައިގަތުމަށް އަވަސްވާނެއެވެ. ޢިލްމުވެރިން ބުނާއަޑު ނާހަމުހެއްޔެވެ؟
މީހަކު އެހެންމީހަކަށް އަނިޔާއެއް ދިނުމުގެގޮތުން އެމީހާގެ ތުނބުޅި ބާލައިފިނަމަ،
އަދި އަލުން އެތުނބުޅި ނުފަޅައިފިކަމުގައި ވަނީނަމަ، އެމީހާއަށްވަނީ ފުރިހަމަ
މަރުގެ ދިޔަ ދިނުމެވެ. މިއިން އަންގައިދެނީ ﷲ ތަޢާލާ ތުނބުޅި ބަހައްޓާ މީހާގެ
ކިބައިގައި ލައްވާފައިވާ މަތިވެރިކަމެވެ.
ރެފަރެންސް: އައް ލުއުލުއުލް މަންޘޫރު
Subscribe to:
Post Comments (Atom)
0 comments:
Post a Comment