Saturday, December 7, 2013
ނަސްރް، އިބްނުލް މުބާރަކް މިނިވަންކުޅަ އަޅަކު
އޭނާގެ ކުރީގެ ސާހިބުމީހާގެ ޢުމުރުގެ ފަހުވަޤުތުގައި ވަޑައިގަތެވެ. އެހިނދު
އިބުނުލް މުބާރަކް އޭނާ އަށް ވިދާޅުވިއެވެ: "ތިމަން (ކަލޭގެފާނުންގެ) މޫނު
ވަތައް ބިންމަތީގައި ބާއްވާށެވެ" ނަސްރު މިކަމާއި ރޯންފެށިއެވެ.
"ކީތްވެ ތިރޮނީ؟" ޢަބްދުﷲ ބިން
މުބާރަކް އެއްސެވިއެވެ.
"އަހުރެން ކަލޭގެފާނުން މުއްސަނދިއިރުގެ
މަތިން ހަނދާންހުރެއެވެ. އެހެނަސް ކަލޭގެފާނުން މަރުވެ ތިދަނީ މީހުންނާއި
ބީރައްޓެހި ފަޤީރެއްގެ ގޮތުގައެވެ." ނަސްރު ބުންޏެވެ.
"ހަނު ހުންނާށެވެ!" އިބްން މުބާރަކް
ވިދާޅުވިއެވެ. "ފަހެ، ހަމަކަށަވަރުން ﷲ ގެ ޙަޟްރަތަށް ތިމަން (ކަލޭގެފާނުން)
މުއްސަނދި ދިރިއުޅުމެއް ދެއްވުމަށް އެދިވަޑައިގަތީމެވެ. އަދި ފަޤީރުކަމުގައި
މަރުވެދިޔުމަށްވެސް އެދިވަޑައިގަތީމެވެ." ދެން އިބްން މުބާރަކް ވިދާޅުވިއެވެ.
"ތިމަން (ކަލޭގެފާނުން) ނަަށް ބާރުއަޅާށެވެ (ޝަހާދަތް ކިޔުމަށް) އަދި ތިމަން
(ކަލޭގެފާނުން) ޝަހާދަތް ކިޔައިފިނަމަ ދެން އިތުރަށް ބާރު ނާޅާށެވެ."
(އެއިރުން އެންމެ ފަހުގެ ބަސްތަކަކަށް ވާނީ ޝަހާދަތުގެ ކަލިމަފުޅުތަކެވެ.)
ބުނެވޭގޮތުގައި އެކަލޭގެފާނުންގެ ދެލޯ މަރުގެ
ފަހުވަގުތަށް ވަރަށް ބޮޑަށް ހުޅުވައިލައި ވިދާޅުވިއެވެ:
لِمِثْلِ هَٰذَا فَلْيَعْمَلِ
الْعَامِلُونَ
"އެފަދައަކުން ނިމިދިޔުމަށް ގަދައަޅައި
މަސައްކަތްކުރާ މީހުން ކުރާހުށިކަމެވެ" (ސާއްފާތި: 61)
Subscribe to:
Post Comments (Atom)
0 comments:
Post a Comment