Thursday, December 5, 2013
އުފަން
ދުވަސްވަރު: މީލާދީން 810 އިން 870 އާއި ދެމެދު (އައްބާސީ ޚިލާފަތުގައި)
މަޝްހޫރުވެވަޑައިގެންނެވި
ދާއިރާ: ޙަދީޘް ޢިލްމުގައި
ދިރިއުޅުއްވި
ތަން: ފާރިސްކަރަ
މަޝްހޫރު
ފޮތްތައް:
·
ޖާމިޢު
ޞަޙީޙް އަލް ބުޚާރީ: އެކަލޭގެފާނުންގެ ޙަދީޘްފޮތް (މިފޮތުގައި
އެއްވެސް ބަލިކަށި ކަމެއްވާ ޙަދީޘެއް ނުވާކަމުގައި އެންމެހާ ޢިލްމުވެރިން
އެއްބަސްވެލައްވާ)
·
އަދަބުލް މުފުރަދް: އެކަލޭގެފާނުން ލިޔުއްވި އިޙްތިރާމް ކުރުމުގެ އަދަބުތަކާބެހޭ ފޮތެއް (މިފޮތުގައި ބަލި ޙަދީޘްތައް ހިމެނިފައި ވެއެވެ. އެހެން ނޫނަސް
އެކަލޭގެފާނުން މިފޮތުގައި ހިމަނުއްވަން ކޮންމެހެން ޞައްޙަ ޙަދީޘް އަކަށް ނުވަތަ
އެނޫން ޙަދީޘް އަކަށް ނުބައްލަވައެވެ.)
·
ތާރީޚް އަލް ކަބީރު: ބޮޑުވެގެންވާ ތާރީޚް
·
ތާރީޚް އައް ސަޣީރު:
·
ތާރީޚް އަލް އައުސަތު:
އެކަލޭގެފާނުންނީ އުއްމަތުގެ ރައްބާނިއްޔަ ޢިލްމުވެރިންކުރެ އަރާހުންނެވި ބެއިކަލެކެވެ.
އެކަލޭގެފާނުންނަކީ ތުއްޕުޅު އިރު ލޯފަން
ބެއިކަލެކެވެ. އެކަލޭގެފާނުން އެދުވަސްވަރުގެ މަޝްހޫރު ބޭސްވެރިންނަށް
ދެއްކެވިކަމުގައި ވިޔަސް އެބައްޔަށް ވަނީ ޝިފާއެއް ނުލިބިއެވެ. އެކަލޭގެފާނުންގެ
މަންމާފުޅަކީ ވަރަށް ދީންވެރި ތަޤްވާވެރި އަޅެކެވެ. އެކަމަނާ ﷲ ގެ ދަރުބާރުގައި
އެތުއްޕުޅު ކަލޭގެފާނުންނަށް ލޮލުގެ ފެނުން ދެއްވުމަށްއެދި ވަރަށް ދުޢާ
ދަންނަވައެވެ. އެންމެފަހުން ﷲ ގެ ރަޙްމަތް އެކަމަނާގެ މައްޗަށް އޮހިގެން ދިޔައެވެ.
އެއްރެއި ހުވަފެނުގައި އެކަމަނާ އިބްރާހީމް ޢަލައިހިއްސަލާމް އާއި
ބައްދަލުވެވަޑައިގަތެވެ. އަދި އެކަލޭގެފާނުން ވިދާޅުވިއެވެ: "ކަމަނާގެ ރިވެތި
ގިނަގުނަވެގެންވާ ދުޢާތަކުގެ ސަބަބުން ﷲ ތަޢާލާ ކަމަނާގެ ދަރިކަލުންނަށް ލޮލުގެ
ފެނުން ދެއްވައިފިއެވެ."
އަނެއްދުވަހު ހެނދުނު ބުޚާރީ ތެދުވެ
ވަޑައިގަތުމުން އެކަލޭގެފާނުންނަށް ލޮލަށް ފެނިވަޑައިގަތެވެ. އެއިރު
އެކަލޭގެފާނުންގެ ދެލޮލަށް ވަނީ ފުރިހަމައަށް ފެނުން ދެއްވާފައެވެ.
ރެފަރެންސް: ޞަޙީޙް ބުޚާރީގައިވާ
އެކަލޭގެފާނުންގެ ބަޔޮގްރަފީ.
Subscribe to:
Post Comments (Atom)
0 comments:
Post a Comment