Saturday, December 7, 2013
ސަޢުދު ބިން އަބޫ ވައްޤާސް ރަޟިޔަﷲ ޢަންހު
ވިދާޅުވިއެވެ. އުހުދު ހަނގުރާމައިގެ ދުވަހުގައި ޢަބްދުﷲ ބިން ޖަހްޝް
ތިމަންކަލޭގެފާނުންގެ އަރިހުގައި ދެންނެވިއެވެ. "އަހަރެމެން ﷲ ގެ ހަޟްރަތުން
ދުޢާނުކުރާނަމުހެއްޔެވެ؟" ދެން ތިމަންމެން ދެބެއިކަލުން އެއްއަރިމައްޗަކަށް
އެކަހެރިވެ ދުޢާކުރީމެވެ. ޢަބްދުﷲ ބިން ޖަޙްޝް ދުޢާކުރެއްވިއެވެ: "ޔާ ﷲ!
މާދަމާ އަޅާއާއި ވަރަށް ވަރުގަދަ ފަހުލަވާނަކާއި ކުރިމަތި ކުރައްވާންދޭވެ. އަދި
އޭނާގެ އަތުން މިއަޅާ ޤަތުލުވެ ދިޔުމަށް އިރާދަކުރައްވާންދޭވެ. ދެން އެއިރުން އޭނާ
މިއަޅާގެ ނޭފަތާއި ކަންފަތް ކަނޑާ ހަދާނެއެވެ. އެއީ މިއަޅާ އިބަ އިލާހުއާއި
ބައްދަލުވުމުން އިބައިލާހް މިއަޅާކުރެން "އޭ ތިމަން ﷲ ގެ އަޅާއެވެ. ތިބާގެ
ނޭފަތާއި ކަންފަތްކެނޑީ ކާކުހޭ؟" އައްސަވާ ދުވަހު އެއީ އިބަ އިލާހު އަށާއި
ރަސޫލާއަށް (އެކަލޭގެފާނުންގެ ޙިމާޔަތަށްޓަކައި) ވަކިވެގެންދިޔަ ގުނަވަންތަކެވެ
ބުނެވޭނެއެވެ. އެއިރުން އިބަ އިލާހް މިއަޅާއަށް "ތިބާ ތެދު
ހަދައިފީމުއެވެ" މިހެން ބަސް ވަޙީކުރައްވާނެއެވެ.
ސަޢުދުގެފާނުން ވިދާޅުވިއެވެ.
"ތިމަންކަލޭގެފާނުން އެކަލޭގެފާނުން އެދުވަހުގެ އިރުއޮއްސުމާއިއެކު
ދެކިވަޑައިގަތީމެވެ: އެއިރު އެކަލޭގެފާނުންގެ ދެކަންފަތާއި ނޭފަތް ވަނީ ރޮއްޖަކަށް
އަމުނާފައެވެ." (1)
އެހެން ރިވާޔަތެއްގައި ވެއެވެ. ޢަބްދުﷲ ބިން
ޖަޙްޝް ރަމިޔަﷲ ޢަންހް ﷲ އަށް ދުޢާ ދެންނެވީ މިފަދައިންނެވެ: "ޔާ ﷲ! މާދަން
މިއަޚާ ދުޝްމަނުންނާއި ހަނގުރާމަ ކޮށް އެމީހުން މިއަޅާ ޝަހީދުކޮށް ބަނޑުފަޅައި
ދެކަންފަތާއި ނޭފަތް ބުރިކޮށް ހަދާނެތެވެ. އެއިރުން އިބަ އިލާހް މިނިކަމެތި
އަޅާކުރެން "ކޮންކަމަކަށް ވީކަމެއް؟" ތޯއެހެވުމުން "އިބަ
އިލާހައްޓަކައި އެފަދައިން އަހަރެން ޤަތުލުކުރެވުނީއެވެ" މިކަންތަކާއިމެދު
ސާޢިދު ބިން އަލް މުސައްޔިބު ވިދާޅުވިއެވެ: "ތިމަން ކަލޭގެފާނުން ޔަޤީންކުރައްވަނީ
ﷲ އެކަލޭގެފާނުންނައްޓަކައި އެކަލޭގެފާނުންގެ ދުޢާގެ ފުރަތަމަ ބައި ޢިޖާބަކުރެއްވި
ފަދައިން ދެވަނަބައިވެސް އިޖާބަ ކުރައްވާނެތެވެ. (2)
ރެފަރެންސް: މަން ޤަޞަޞުއް ޞާލިޙީން: މަޖްދީ
މުޙައްމަދު އައް ޝަހާވީ
(1)
ހިލާޔަތު އައުލިޔާއު / ސިފަތުއް ސަފްވާ
(2)
ހިލާޔަތު އައުލިޔާއު
Subscribe to:
Post Comments (Atom)
0 comments:
Post a Comment