Wednesday, December 18, 2013
ސުކޫލެއްގައި ޤުރުއާން އުނގެނި ދަސްކުރާ ކުޑަ
ފިރިހެންކުއްޖަކު އެއްދުވެސްވަރު އުޅެނެވެ. އެއްދުވަހަކު އޭނާ ފެންވަރަން
ބޭނުންވެގެން ފެންވަރާ ކޮޓަރިއެއް ދޮށަށް ދިޔައެވެ. އޭނާގެ އަތަކު ފައިސާއެއް
ނުވެއެވެ. އެހެންކަމުން އޭނާ އެތާންގެ ވެރިމީހާގެ ގާތުގައި ބުންޏެވެ: އަހަރެންގެ
އަތަކު ދެރުފިޔާއެއް (ދެ ޤިރާން އެއް) ނެތެވެ. އެކަމަކު އެއިގެ ބަދަލުގައި
އަހުރެން ޤުރުއާނުން ބައެއް ކަލެޔަށް ކިޔައިދޭނަމެވެ." އެކަމަކު އެތާންގެ ބޮޑުމީހާ
އެކަމާއި ދެކޮޅު ހެދިއެވެ. އެކުއްޖާ އެގޮތް މިގޮތަށް އުޅެއުޅެވެސް އެކަމެއް
ވާގޮތެއް ނުވިއެވެ.
އެހެންކަމުން އެކުއްޖާ އަމިއްލަ ނަފްސާއި އެންމެ
ފަހުން ސުވާލުކޮށްލިއެވެ: ޤުރުއާނުގެ 10 އާޔަތް ކިޔައިދުނުމަށްވުރެ 2 ރުފިޔާގެ
އަގު ބޮޑުވީމާ ދެން އެއިގެ މާނައަކީ އަހުރެން ޤުރުއާން ކިޔަވަން ގޮސްގޮސްފައި
މިއުޅެނީ މިއީ ބޭކާރު ކަމެކެވެ.
މިހެން ހިތައި އެކުއްޖާ ސުކޫލަށް ދިޔުން
ހުއްޓާލައިފިއެވެ.
އެއްދުވަހަކު އެކުދިންގެ އެދުރުބޭ އެކުދިންކުރެ
އެއްކަލަ ކުއްޖާ ކޮބައިތޯ އެހިއެވެ. ދެން އެކުދިން އެކުއްޖާ ސުކޫލަށް އައުން
ހުއްޓާލި ވާހަކަ ސަބަބާއެކު އެކީ ކިޔައިދީފިއެވެ.
ދެން މި އެދުރުބޭ އެކުއްޖާއަށް އަންގައިގެން
އެކުއްޖާ އެދުރުބޭގެ އަރިހަށް ހާޒިރުކޮށްފިއެވެ. އަދި ބުންޏެވެ. އަހުރެންނަށް
މިކަން ކޮއްލައިދޭށެވެ. ދެން އެކުއްޖާއަށް އަނގޮޓިއެއް ދީފައި ފަތްޕިލާވެލި ވިއްކާ
ފިހާރައަކަށް ވަކި ވައްތަރެއްގެ ފަތެއް އެ އަނގޮޓީގެ ބަދަލުގައި ގަނެގެން
ގެނެސްދިނުމަށް އެދުނެވެ. ދެން އެކުއްޖާ އެގޮތަށް ކަންތައް ކުރުމުން އެ
ފިހާރައިގައި އިން ފަތްޕިލާވެލި ވިއްކާ މީހާ އެއަނގޮޓީ ބަލައެއްނުގަތެވެ. ދެން
އެދުރުބޭގެ އަރިހަށް އެކުއްޖާ އައުމުން އެއަނގޮޓި އެހަށް ފުރަތަމަ ފައިސާއަށް
ބަދަލުކުރުމަށް އެދުނެވެ. އަދި އެއަށްފަހު އެފިހާރައަށް ގޮސް ފަތްގަތުމަށް
އެދުނެވެ.
ދެން މިކުއްޖާ ރަންހަދާ، ރަން ވިއްކާ މީހެއްގެ
ގާތަށް ގޮސް އެއަނގޮޓި ދީފައި މީގެ ބަދަލަށް ފައިސާ ދޭށޭ ބުންޏެވެ.
އެހިނދު އެއަނގޮޓިއަށް އެމީހާ ބަލާލައިފައި
އަނގޮޓި އަނބުރާ އެކުއްޖާއަތަށް ދެމުން ބުންޏެވެ. ދަރިފުޅާއެވެ. މިއަނގޮޓިއަށް
ވާވަރުގެ ފައިސާއެއް ތިމަން އަތަކު ނެތެވެ. ތިޔައީ ނިކަން އަގުބޮޑު އެއްޗެކެވެ.
ދެން އެކުއްޖާ މިވާހަކަ ގޮސް އެދުރުބޭ ގާތުގައި ބުންޏެވެ.
އެދުރުބޭ ނަޞޭޙަތްތެރިވަމުން އެކުއްޖާއަށް
ބުނެދިނީ މިވާހަކައެވެ: ރަނުގެ އަގު ވަޒަންކުރަން އިނގޭނީ ރަނާއި ބެހޭ މީހަކަށެވެ.
ނުވަތަ ރަނުން އަތްކަން ކުރާމީހަކަށެވެ."
ރެފަރެންސް: http://durani.wordpress.com/2012/08/25/the-goldsmith-knows-the-value-of-gold/
މިވާހަކައިގެ ތެދު ދޮގުމިނެއް އަޅުގަނޑަކަށެއް
ނޭންގެއެވެ. ނަމަވެސް ޢިބުރަތަށްޓަކައި މިވާހަކަ ޙިއްސާކުރީއެވެ.
Subscribe to:
Post Comments (Atom)
0 comments:
Post a Comment